الرئيسية
أحدث الصور
من طرف m-mel7m الثلاثاء يوليو 29, 2008 2:22 amفي يوم من الأيام وأنا طالع على الجامعة من بدري وطبعا مو شايف الضوء لأنه كنت مش نايم ومتأخر على المحاضرة كالعادة ...وصلت باصات المستشفى وطلعت بالباص متل كل مره عادي
وبالصدفة وأنا طال من الشباك شفت زلمه كبير شكله خطأ وما عجبني لأنه كتير نهفه
بس كانت الصدمه لما شفت هاد الزلمه طلع بالباص وقعد جنبي... طبعا ما تتخيلوا كم قميص كان لابس فوق بعض وفوقيهم جاكيت والله اعلم شوفي كمان لأني ما كنت قادر اطلّع جهته وطبعا انسوا التسريحة لأنها كانت عبارة عن شعر متطاير في الهوا....!!؟؟؟
وانتبهت انه مع الزلمه كيس صغير وبصراحة أنا فكرت انه كيس دواء أو كيس فيه معاملات أو شوكلاته وعلكه يعني هيك شي.. بس للأسف ما كان هيك...؟؟؟؟ بكل بساطه كان الكيس فيه أربع سندويشات فلافل
وطبعا هون الكارثة لأنه أنا ما بحب أشم ريحة الأكل قبل الساعة 10 وكنت خايف انه يصير يوكل جنبي وكنت أتمنى انه ماخدهم لحد من ولاده بالمستشفى بس طبعا الزلمه خيب أملي وبالعكس ما صدق وهوه يطلع الباص منشان يمزع الكيس مزع ويطول أول سندويشه وما تحملت معه اكتر من لقمتين.... طبعا أنا دخن راسي وصرت أشوف الديك أرنب وحسسته انه مو عاجبني ....بس طبعا هوه ما كانت فارقه معه وبالعكس فتح السندويشه التانيه واكلها... ولما شاف انه ارتفع ضغطي فكر إني جوعان وخجلان احكي وخصوصا إني صرت أجحر فيه من تحت لتحت ...
اطلّع علي بكل شفقه وقالي شو رأيك يا عموه توخذلك سندويشه تمشي حالك فيها
طبعا أنا حكيتله وأنا قرفان ما بدي شكرا
طبعا قالي : يا سيدي راحت عليك وانته الخسران ....وما صدق على الله وأنا احكيله لا... واخذ السندويشه وبلعها بلع وقبل ما يخلص طال الرابعة وكمان خلص عليها وكأنها قاتله أبوه طبعا أنا حسيت انه الزلمه كاين بايت على شجره لأنه أكل أربع سندويشات وما شبع ولو صحله كمان تنتين ما بيحكي لا وطبعا بعدها الريحه فاحت بكل الباص وحسيت إني بمطعم.....
وبعدها صار الزلمه يتنحنح وحكى يعني هلا الواحد بيقدر يتنفس ويوقف على رجليه طبعا أنا ما جاوبته لأني لو كان يصحلي كان طخيته ....
سكت شوي وبعدها حكالي آه صح يا عموه أنا نسيت ما اتعرفت عليك
طبعا أنا استغربت يعني الزلمه كتير رايق وعملت حالي مو سامع بس أصر انه يتعرف
وسألني طيب يا عموه انته شو بتشتغل
حكيتله أنا ما بشتغل أنا طالب
جاوبني بكل غباء وحكى : طيب انته على أي عيادة رايح
حكيتله يا عمي أنا طالب ..والله طالب وبدرس بالجامعة وأنا رايح عالجامعه مو على المستشفى
هز براسه وكأنه مش عاجبه ورد سألني طيب شو بتدرس
حكيتله علاج طبيعي ...." وطبعا هون المصيبه "
حكالي شو هاد العلاج الطبيعي
يعني بتعالج بالأعشاب الطبيعية والنعنع والزعتر
طبعا أنا أغمى علي من الصدمه ورحت ما اقتله
حكيتله لا مش هيك .... وحاولت اشرح له شو العلاج الطبيعي.... وبعد ما متت وأنا اشرح له
حكالي يعني بعد ما تتخرج بتصير معلم بالمدرسة....( الله يخرب بيته ) طبعا أنا ولعت وحكيتله يا بني آدم أنا رح أداوم بالمستشفى مش بالمدرسة
طبعا جاوبني بكل ثقة وقال : آآآآآآآآآآآآه يعني ممرض
حكيتله أقولك اعتبرني ممرض خلص بس منشان الله اختصر
سكت وشوي وقال : طيب يا ابني مش لو رحت معلم عربي ولا رياضيات كان احسنلك من هالتخصصات الناكته اللي بيضحكوا على الناس فيها
طبعا أنا حاولت ارفع من معنويات حالي شوي وحكيتله يا زلمه أنا دكتور إلا شحطه وهاد العلاج الطبيعي اللي مش عاجبك مكانته بعد الطب مباشره
طبعا لما سمع سيرة الطب نط من مكانه وانبسط وحكالي يا زلمه أنا من زمان بدي أشوف دكتور محترم زيّك
حكيتله تفضل شو بقدر أخدمك
طبعا طال صورة الأشعة وحكالي بالله يا دكتور شوفلي شو فيها
طبعا أنا وقعت عالارض من الضحك
وحكيتله صحيح أنا علاج طبيعي بس مش لهالدرجه
حكالي بس انته يا دكتور شوفها وما عليك
أخذتها منه ورفعتها متل الناس اللي بيفهموا وحكيتله والله عندك مشكله بس بسيطة يعني إنشاء الله خير
حكالي لعاد هيك ..طيب والله لألعن صباح أبوه الدكتور
بحكيله هدّي أعصابك ليش يا زلمه ؟؟؟..... قال ضحك علي وقالي انه بدي اكتر من سنه لحتى أطيب وارجع متل أول ....
حكيتله لا بدك الصراحة لازم تشوف دكتور غيره لأنه مبين عليه بيتعلم فيك
طبعا كبرت براسه وصار يغلط على الدكتور وقال لعاد والله مالي غير هاظ العلاج الطبيعي شكله أحسن من كل الدكاترة الكذابين......؟؟؟
وشوي شوي وصلنا المستشفى وأول ما نزلنا من الباص أصر إلا انزل قبله طبعا من باب الاحترام وحكالي تفضل يا دكتور والله الواجب الك وأمانه تفضل معي هلا نفطر أنا وياك بالكفتيريا ( الاخ لسه مش شبعان ) واكتشفت بعدين انه الزلمه بيجي على المستشفى بس مشان يفطر بالكفتيرياء فلافل وشاي
وطبعا أنا وصلت محاظرة الدكتور العمري متأخر نص ساعة ولما سألني عن سبب التأخير ضحكت وما عرفت شو أجاوبه وللأسف طبعا ما فهمت من المحاظره شي لأنه طول المحاظره وأنا أتخيل الزلمه كيف كانوا شعراته طايرين بالهواء وكيف كان يوكل فلافل وانتبه علي الدكتور اكتر من مره وأنا اضحك مع حالي وما فهم شو القصة
وبهيك بتكون انتهت القصة بس أكيد ما انتهت المعاناة طالما فيه ناس ما بيعرفوا لهلا شو العلاج الطبيعي
وأكيد الكل فيكوا مر بمتل هيك موقف محرج وخصوصا لما تحكي لحدا عن التخصص وبيكون مو عارف أصلا انته عن شو بتحكي ......؟؟؟؟؟؟
وبالصدفة وأنا طال من الشباك شفت زلمه كبير شكله خطأ وما عجبني لأنه كتير نهفه
بس كانت الصدمه لما شفت هاد الزلمه طلع بالباص وقعد جنبي... طبعا ما تتخيلوا كم قميص كان لابس فوق بعض وفوقيهم جاكيت والله اعلم شوفي كمان لأني ما كنت قادر اطلّع جهته وطبعا انسوا التسريحة لأنها كانت عبارة عن شعر متطاير في الهوا....!!؟؟؟
وانتبهت انه مع الزلمه كيس صغير وبصراحة أنا فكرت انه كيس دواء أو كيس فيه معاملات أو شوكلاته وعلكه يعني هيك شي.. بس للأسف ما كان هيك...؟؟؟؟ بكل بساطه كان الكيس فيه أربع سندويشات فلافل
وطبعا هون الكارثة لأنه أنا ما بحب أشم ريحة الأكل قبل الساعة 10 وكنت خايف انه يصير يوكل جنبي وكنت أتمنى انه ماخدهم لحد من ولاده بالمستشفى بس طبعا الزلمه خيب أملي وبالعكس ما صدق وهوه يطلع الباص منشان يمزع الكيس مزع ويطول أول سندويشه وما تحملت معه اكتر من لقمتين.... طبعا أنا دخن راسي وصرت أشوف الديك أرنب وحسسته انه مو عاجبني ....بس طبعا هوه ما كانت فارقه معه وبالعكس فتح السندويشه التانيه واكلها... ولما شاف انه ارتفع ضغطي فكر إني جوعان وخجلان احكي وخصوصا إني صرت أجحر فيه من تحت لتحت ...
اطلّع علي بكل شفقه وقالي شو رأيك يا عموه توخذلك سندويشه تمشي حالك فيها
طبعا أنا حكيتله وأنا قرفان ما بدي شكرا
طبعا قالي : يا سيدي راحت عليك وانته الخسران ....وما صدق على الله وأنا احكيله لا... واخذ السندويشه وبلعها بلع وقبل ما يخلص طال الرابعة وكمان خلص عليها وكأنها قاتله أبوه طبعا أنا حسيت انه الزلمه كاين بايت على شجره لأنه أكل أربع سندويشات وما شبع ولو صحله كمان تنتين ما بيحكي لا وطبعا بعدها الريحه فاحت بكل الباص وحسيت إني بمطعم.....
وبعدها صار الزلمه يتنحنح وحكى يعني هلا الواحد بيقدر يتنفس ويوقف على رجليه طبعا أنا ما جاوبته لأني لو كان يصحلي كان طخيته ....
سكت شوي وبعدها حكالي آه صح يا عموه أنا نسيت ما اتعرفت عليك
طبعا أنا استغربت يعني الزلمه كتير رايق وعملت حالي مو سامع بس أصر انه يتعرف
وسألني طيب يا عموه انته شو بتشتغل
حكيتله أنا ما بشتغل أنا طالب
جاوبني بكل غباء وحكى : طيب انته على أي عيادة رايح
حكيتله يا عمي أنا طالب ..والله طالب وبدرس بالجامعة وأنا رايح عالجامعه مو على المستشفى
هز براسه وكأنه مش عاجبه ورد سألني طيب شو بتدرس
حكيتله علاج طبيعي ...." وطبعا هون المصيبه "
حكالي شو هاد العلاج الطبيعي
يعني بتعالج بالأعشاب الطبيعية والنعنع والزعتر
طبعا أنا أغمى علي من الصدمه ورحت ما اقتله
حكيتله لا مش هيك .... وحاولت اشرح له شو العلاج الطبيعي.... وبعد ما متت وأنا اشرح له
حكالي يعني بعد ما تتخرج بتصير معلم بالمدرسة....( الله يخرب بيته ) طبعا أنا ولعت وحكيتله يا بني آدم أنا رح أداوم بالمستشفى مش بالمدرسة
طبعا جاوبني بكل ثقة وقال : آآآآآآآآآآآآه يعني ممرض
حكيتله أقولك اعتبرني ممرض خلص بس منشان الله اختصر
سكت وشوي وقال : طيب يا ابني مش لو رحت معلم عربي ولا رياضيات كان احسنلك من هالتخصصات الناكته اللي بيضحكوا على الناس فيها
طبعا أنا حاولت ارفع من معنويات حالي شوي وحكيتله يا زلمه أنا دكتور إلا شحطه وهاد العلاج الطبيعي اللي مش عاجبك مكانته بعد الطب مباشره
طبعا لما سمع سيرة الطب نط من مكانه وانبسط وحكالي يا زلمه أنا من زمان بدي أشوف دكتور محترم زيّك
حكيتله تفضل شو بقدر أخدمك
طبعا طال صورة الأشعة وحكالي بالله يا دكتور شوفلي شو فيها
طبعا أنا وقعت عالارض من الضحك
وحكيتله صحيح أنا علاج طبيعي بس مش لهالدرجه
حكالي بس انته يا دكتور شوفها وما عليك
أخذتها منه ورفعتها متل الناس اللي بيفهموا وحكيتله والله عندك مشكله بس بسيطة يعني إنشاء الله خير
حكالي لعاد هيك ..طيب والله لألعن صباح أبوه الدكتور
بحكيله هدّي أعصابك ليش يا زلمه ؟؟؟..... قال ضحك علي وقالي انه بدي اكتر من سنه لحتى أطيب وارجع متل أول ....
حكيتله لا بدك الصراحة لازم تشوف دكتور غيره لأنه مبين عليه بيتعلم فيك
طبعا كبرت براسه وصار يغلط على الدكتور وقال لعاد والله مالي غير هاظ العلاج الطبيعي شكله أحسن من كل الدكاترة الكذابين......؟؟؟
وشوي شوي وصلنا المستشفى وأول ما نزلنا من الباص أصر إلا انزل قبله طبعا من باب الاحترام وحكالي تفضل يا دكتور والله الواجب الك وأمانه تفضل معي هلا نفطر أنا وياك بالكفتيريا ( الاخ لسه مش شبعان ) واكتشفت بعدين انه الزلمه بيجي على المستشفى بس مشان يفطر بالكفتيرياء فلافل وشاي
وطبعا أنا وصلت محاظرة الدكتور العمري متأخر نص ساعة ولما سألني عن سبب التأخير ضحكت وما عرفت شو أجاوبه وللأسف طبعا ما فهمت من المحاظره شي لأنه طول المحاظره وأنا أتخيل الزلمه كيف كانوا شعراته طايرين بالهواء وكيف كان يوكل فلافل وانتبه علي الدكتور اكتر من مره وأنا اضحك مع حالي وما فهم شو القصة
وبهيك بتكون انتهت القصة بس أكيد ما انتهت المعاناة طالما فيه ناس ما بيعرفوا لهلا شو العلاج الطبيعي
وأكيد الكل فيكوا مر بمتل هيك موقف محرج وخصوصا لما تحكي لحدا عن التخصص وبيكون مو عارف أصلا انته عن شو بتحكي ......؟؟؟؟؟؟
